 Віджэт стварэння

З дапамогай віджэта стварэння карыстальнікі змогуць самастойна ствараць файлы, уводзячы свае персанальныя дадзеныя. У віджэт можна дадаць аўтэнтыфікацыю па электроннай пошце або тэлефоне з праверкай па асобным спісе.

Каб дадаць віджэт, трэба адкрыць «Віджэты» — «Віджэты стварэння» і дадаць віджэт пры дапамозе адпаведнай кнопкі. Можна стварыць неабмежаваную колькасць віджэтаў. Каб віджэт працаваў, яго трэба ўключыць.

Палі віджэта

Асноўная прастора віджэта складаецца з розных элементаў — палёў для ўводу, тэкставых блокаў, выпадальных спісаў і г.д. Усе дадзеныя, якія будзе ўносіць наведвальнік, будуць захаваны ў файле на Дыску. Пераменныя ў дакуменце, што выкарыстоўваецца для стварэння, будуць заменены на пераменныя з файла.

Для кожнага поля неабходна ўказаць:

• Загаловак поля — паказваецца побач з полем, якое трэба запоўніць, напрыклад «Прозвішча і імя» або «Адрас электроннай пошты».
• Тып поля — вызначае выгляд поля.
• Тэкст дапамогі — размяшчаецца адразу пад полем.
• Захаваць у пераменную — у якую пераменную захаваць вынік. Пераменную трэба ўказаць са знакам працэнта, як гэта паказана ў дакуменце для стварэння файла. Напрыклад: %name, %установа, %email, %phone.
• Абавязковае запаўненне. Калі пераключальнік уключаны, наведвальнік абавязаны запоўніць гэтае поле.

Для выдалення поля ёсць кнопка «Выдаліць», а для дадання новага — «Дадаць».

Парадак палёў у віджэце будзе адпавядаць іх размяшчэнню ў наладах. Можна змяняць парадак, перацягваючы палі мышкай.

Налады віджэта

• Арыгінальны дакумент. Дакумент, што будзе выкарыстаны для стварэння файла. У ім павінны быць пераменныя, якія будуць заменены дадзенымі з палёў віджэта.
• Захоўванне файлаў у папку. Створаныя файлы будуць захоўвацца ў указаную папку, якую можна перамяшчаць у любую іншую папку Дыску. Калі папку выдаліць, то ў каранёвым каталогу будзе створана новая з назвай дакумента.
• Шаблон ліста. Калі сярод палёў ёсць пераменная %email, файл можа быць адпраўлены на ўказаную электронную пошту. Тут можна выбраць шаблон для адпраўкі.
• Загаловак віджэта. Тэкст у загалоўку віджэта.
• Тэкст пад загалоўкам. Дадатковая інфармацыя або інструкцыя па запаўненні.
• Надпіс на кнопцы, якая запускае стварэнне файла. Па змаўчанні — «Стварыць», але можна змяніць.
• Паведамленне пасля стварэння. Тэкст, які адлюструецца пасля паспяховага стварэння файла.

Аўтэнтыфікацыя

Налады аўтэнтыфікацыі ўплываюць на тое, хто можа карыстацца віджэтам.

• Без аўтэнтыфікацыі. Віджэт можа запоўніць любы карыстальнік. Калі ёсць поле %email або %phone, гэтыя дадзеныя будуць проста захаваны ў файл без праверкі.

• Па электроннай пошце. Правярае ўласнасць адраса электроннай пошты праз адпраўку аднаразовага кода. Калі код ня будзе ўведзены, файл не будзе створаны.

  Для аўтэнтыфікацыі па электроннай пошце ў віджэце павінна быць поле з пераменнай %email і ўключаным параметрам «Абавязкова для запаўнення».

  Можна задаць адпраўніка, які будзе выкарыстоўвацца для адпраўкі кода.

  Аўтэнтыфікацыя па спісе. Правяраецца не толькі валоданне адрасам, але і яго наяўнасць у табліцы. Гэта дазваляе абмежаваць кола карыстальнікаў віджэта.

• Па нумары тэлефона. Правярае валоданне нумарам тэлефона праз адпраўку кароткага званка. Карыстальнік павінен увесці апошнія 4 лічбы зваротнага нумара.

  Для аўтэнтыфікацыі па нумары тэлефона неабходнае поле з пераменнай %phone і ўключаным параметрам «Абавязкова для запаўнення».

  Аўтэнтыфікацыя па спісе працуе аналагічна праверцы паштовых адрасоў.

Абмежаванне на стварэнне аднаго файла

Калі гэтая функцыя ўключаная, карыстальнік можа стварыць толькі адзін файл на свой электронны адрас ці нумар тэлефона.

Адпраўка файла сабе

Файл будзе аўтаматычна адпраўлены на электронную пошту акаўнта пасля стварэння.

Кнопкі «Падзяліцца з сябрамі»

Пасля стварэння файла можна будзе падзяліцца спасылкай праз сацыяльныя сеткі і мэсэнджары.

Афармленне

Можна наладзіць асноўны колер віджэта і тэксту кнопкі, а таксама дадаць уласныя CSS-стылі.

Дамен

Калі віджэт будзе размешчаны на пэўным сайце, тут трэба ўказаць яго дамен, каб абараніць код ад капіявання на іншыя сайты.

Код для сайта

Каб убудаваць віджэт у сайт, неабходна скапіраваць і ўставіць код у патрэбнае месца.

Доступ па спасылцы

Карыстальнікі змогуць адчыняць віджэт па непасрэднай спасылцы.

Мадыфікацыя віджэта

Калі трэба змяняць налады віджэта ў залежнасці ад старонкі сайта, можна выкарыстоўваць табліцу-мадыфікатар. Даведацца больш.